Kominn tími á erlendan þjálfara Kolbeinn Tumi Daðason skrifar 1. september 2011 08:00 Bjarni Jóhannsson gerði ÍBV tvisvar að Íslandsmeisturum og einu sinni að bikarmeisturum. Fylkir varð bikarmeistari undir hans stjórn auk þess sem hann kom Breiðabliki og Stjörnunni upp í efstu deild. Mynd/Daníel Bjarni Jóhannsson, þjálfari Stjörnunnar, segir Knattspyrnusamband Íslands þurfa að breyta allri umgjörð þegar kemur að íslenska landsliðinu í knattspyrnu. Bjarni, sem náð hefur eftirtektarverðum árangri með Stjörnuna undanfarin ár, segir peningaskort enga fyrirstöðu. Bjarni Jóhannsson hefur verið lengur en tvævetur í boltanum og komið víða við. Hann fór með Stjörnuna upp í efstu deild á sínu fyrsta tímabili með liðið 2008 og hefur fest liðið í sessi í efstu deild. Leiðin að árangrinum hefur verið sóknarknattspyrna. Hægir og kraftlausir menn enda bara í utandeildinni„Það eru ábyggilega fá lið sem hafa komið upp með svoleiðis krafti því yfirleitt hafa nýliðar í gegnum tíðina lagst í vörn og stólað á að fá á sig fá mörk og halda þannig sæti sínu í deildinni. Þannig hefur það þó ekki verið í Stjörnunni," segir Bjarni. Hann segir það mannskapnum sem hann hafi í höndunum að þakka að hann þori að blása til sóknar. „Það er bara sálin í þessum drengjum. Meira að segja varnarmennirnir eru sóknarhugsandi og tímasetningin er líka þrælgóð því fótboltinn er að breytast mikið. Þeir sem hafa ekki hraða og kraft fram á við enda bara í utandeildinni." Undanfarin tvö tímabil hefur Stjarnan raðað inn mörkunum en einnig fengið haug af mörkum á sig. Breyting hefur orðið á því í sumar, ekki í markaskorun en í fjölda marka sem liðið hefur fengið á sig. Bjarni segir nokkrar ástæður fyrir því. „Varnarleikur manna framarlega á vellinum hefur gengið betur, pressan hefur tekist oftar. Svo eru þessir strákar árunum eldri og við erum tilbúnari í þennan líkamlega leik. Svo hefur liðið þroskast þokkalega og við erum betri í að halda bolta. Við töpum boltanum sjaldnar." Bæta þarf aðstöðuna í GarðabæFramtíðin virðist björt hjá Garðbæingum. Bjarni segir yngri flokka Stjörnunnar meðal þeirra bestu á landinu, karlaliðið hafi fest sig í sessi í efstu deild og kvennaliðið sé fremst meðal jafningja. Yngri flokkarnir eigi góðar fyrirmyndir og nú þurfi allir að leggjast á eitt og byggja á því góða. Aðstaða knattspyrnufólks í Garðabænum sé hins vegar stórt vandamál. „Það eru um sex hundruð iðkendur í fótboltanum og aðalvöllur félagsins er einnig aðalæfingavöllur félagsins á árs grundvelli. Það þarf að verða algjör bylting í aðstöðumálum hér í Garðabæ ef menn ætla að halda þessum dampi og taka skrefið fram á við," segir Bjarni. Garðabær gefi sig út fyrir að vera mikill íþróttabær og stjórnmálamenn hafi gefið út að menn eigi að fá að æfa við bestu aðstæður. „Nýjasta dæmið um það er bygging fimleikahallarinnar sem er á heimsmælikvarða. Það er ekki hægt að gera upp á milli íþróttagreina. Það verða allar íþróttagreinar að fá það besta og þannig eiga menn að hugsa hér í Garðabænum. Næsta skref er auðvitað bylting í aðstöðumálum fyrir knattspyrnuna." Ráða á erlendan landsliðsþjálfaraKSÍ hefur gefið út að samningur Ólafs Jóhannessonar landsliðsþjálfara verði ekki endurnýjaður. Bjarni segir nálægðina á Íslandi hafa slæm áhrif á umgjörð íslenska landsliðsins. „Ég hef horft upp á eina fjóra eða fimm Íslendinga hálshöggna út af lélegum árangri. Það er alltaf auðveldast að reka þjálfarann en ég tel að stærstum hluta þjálfarann ekki mesta vandamálið. Tengslin milli KSÍ og stóru félaganna hér á landi eru sterk og starfsfólkið í kringum landsliðið alltof tengt félögunum," segir Bjarni. Hann segir tengslin gera það að verkum að upp komi viðkvæm og óþægileg mál sem hafi klárlega áhrif á val á leikmönnum í landsliðið. Bjarni, sem var aðstoðarmaður Eyjólfs Sverrissonar á tíma hans með landsliðið, segist myndu taka við starfinu yrði leitað til hans. Hann er þó á þeirri skoðun að tímabært sé að leita út fyrir landsteinana. „Við eigum hiklaust, með fullri virðingu fyrir mér og öðrum kollegum mínum á Íslandi, að ráða erlendan þjálfara og hrista almennilega upp í þessu. Knattspyrnusambandið verður að taka gjörsamlega nýjan kúrs í umgjörð landsliðsins og allri hugmyndafræði frá a til ö." Bjarni segir KSÍ ekki geta borið fyrir sig peningaskort þegar kemur að ráðningu nýs þjálfara. „Mér er sama hvað það kostar. Ef menn telja sig ekki hafa efni á því þá búa þeir til nefnd sem nær í þessa peninga til þess að hafa ofan í sig og á. Það verður að lyfta grettistaki í málum landsliðsins." Íslenski boltinn Mest lesið Féll næstum því í Harvard vegna höfuðverkjanna Fótbolti Leikdagur í Munchen: Gummi Ben og Kjartan hita upp fyrir stærsta leik ársins Fótbolti Dagur Dan kallaður inn í íslenska landsliðið Fótbolti Ólympíumeistarinn þarf að fara í kynjapróf til að fá að keppa Sport „Þetta er alvöru pakki og alvöru djobb“ Körfubolti Leiknir lætur þjálfarann fara Fótbolti Sjáðu frábæra afgreiðslu Sveindísar Jane Fótbolti Fyrrum forseti Inter látinn og liðið mun leika með sorgarbönd Fótbolti Dagskráin: Úrslitaleikur Meistaradeildarinnar á kvöldið Sport Tottenham lætur fimm fara og festir fyrstu kaup sumarsins Enski boltinn Fleiri fréttir Njarðvík og ÍR upp í efstu sætin í Lengjudeildinni Bindur vonir við nýja manninn: „Ekki með svona leikmann í liðinu í dag“ KR-ingar alveg týndir: „Bara eins og þegar ég er einn heima“ Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk „Ef menn leggja sig fram og standa sig vel þá er alltaf stutt í byrjunarliðið” „Það má ekki fagna of mikið“ Fyrrum leikmaður Liverpool að ganga í raðir Stjörnunnar Uppgjörið: Breiðablik - ÍA 1-4 | Skagamenn völtuðu yfir Blika „Fannst Víkingarnir ekki eiga skilið neitt út úr þessum leik“ „Unnum klárlega baráttuna í leiknum“ Uppgjörið: Afturelding - Valur 0-2 | Engin vandræði á Val í Mosfellsbæ Uppgjörið: Fram - KA 1-2 | Færeyingurinn hetjan í Úlfarsárdal Uppgjörið: ÍBV - FH 2-1 | Dramatískt sigurmark í Eyjum Uppgjörið: Vestri - Víkingur | Víkingur vann toppslaginn fyrir vestan Þeir bestu (1. sæti): Afrekaði allt KR kaupir ungan og efnilegan leikmann Njarðvíkur „Við sjáum okkur ekki sem körfuboltinn á móti fótboltanum“ Þeir bestu (2. sæti): Hæglæti en heljarinnar ferill Návígi með Gulla Jóns: Aukaefni úr A&B og meira til „Ég set spurningarmerki við þennan tímapunkt“ Damir þakkar fyrir sig eftir stutta dvöl í Asíu Þeir bestu (3. sæti): Sannkallaður Benjamin Button Bestu kaupin, nýyrði í boltanum og hver verður markakóngur? Þróttur geti klárlega landað titlinum: „Mér finnst þetta stórkostlegt lið“ Hreifst af Stíg: „Finnst þarna komið þetta Víkings-element“ Þeir bestu (4. sæti): Sigurvegarinn „Uppleggið hjá Rúnari fannst mér heppnast fullkomlega“ Sjáðu mörkin sem „Halli og Laddi“ skoruðu Sjá meira
Bjarni Jóhannsson, þjálfari Stjörnunnar, segir Knattspyrnusamband Íslands þurfa að breyta allri umgjörð þegar kemur að íslenska landsliðinu í knattspyrnu. Bjarni, sem náð hefur eftirtektarverðum árangri með Stjörnuna undanfarin ár, segir peningaskort enga fyrirstöðu. Bjarni Jóhannsson hefur verið lengur en tvævetur í boltanum og komið víða við. Hann fór með Stjörnuna upp í efstu deild á sínu fyrsta tímabili með liðið 2008 og hefur fest liðið í sessi í efstu deild. Leiðin að árangrinum hefur verið sóknarknattspyrna. Hægir og kraftlausir menn enda bara í utandeildinni„Það eru ábyggilega fá lið sem hafa komið upp með svoleiðis krafti því yfirleitt hafa nýliðar í gegnum tíðina lagst í vörn og stólað á að fá á sig fá mörk og halda þannig sæti sínu í deildinni. Þannig hefur það þó ekki verið í Stjörnunni," segir Bjarni. Hann segir það mannskapnum sem hann hafi í höndunum að þakka að hann þori að blása til sóknar. „Það er bara sálin í þessum drengjum. Meira að segja varnarmennirnir eru sóknarhugsandi og tímasetningin er líka þrælgóð því fótboltinn er að breytast mikið. Þeir sem hafa ekki hraða og kraft fram á við enda bara í utandeildinni." Undanfarin tvö tímabil hefur Stjarnan raðað inn mörkunum en einnig fengið haug af mörkum á sig. Breyting hefur orðið á því í sumar, ekki í markaskorun en í fjölda marka sem liðið hefur fengið á sig. Bjarni segir nokkrar ástæður fyrir því. „Varnarleikur manna framarlega á vellinum hefur gengið betur, pressan hefur tekist oftar. Svo eru þessir strákar árunum eldri og við erum tilbúnari í þennan líkamlega leik. Svo hefur liðið þroskast þokkalega og við erum betri í að halda bolta. Við töpum boltanum sjaldnar." Bæta þarf aðstöðuna í GarðabæFramtíðin virðist björt hjá Garðbæingum. Bjarni segir yngri flokka Stjörnunnar meðal þeirra bestu á landinu, karlaliðið hafi fest sig í sessi í efstu deild og kvennaliðið sé fremst meðal jafningja. Yngri flokkarnir eigi góðar fyrirmyndir og nú þurfi allir að leggjast á eitt og byggja á því góða. Aðstaða knattspyrnufólks í Garðabænum sé hins vegar stórt vandamál. „Það eru um sex hundruð iðkendur í fótboltanum og aðalvöllur félagsins er einnig aðalæfingavöllur félagsins á árs grundvelli. Það þarf að verða algjör bylting í aðstöðumálum hér í Garðabæ ef menn ætla að halda þessum dampi og taka skrefið fram á við," segir Bjarni. Garðabær gefi sig út fyrir að vera mikill íþróttabær og stjórnmálamenn hafi gefið út að menn eigi að fá að æfa við bestu aðstæður. „Nýjasta dæmið um það er bygging fimleikahallarinnar sem er á heimsmælikvarða. Það er ekki hægt að gera upp á milli íþróttagreina. Það verða allar íþróttagreinar að fá það besta og þannig eiga menn að hugsa hér í Garðabænum. Næsta skref er auðvitað bylting í aðstöðumálum fyrir knattspyrnuna." Ráða á erlendan landsliðsþjálfaraKSÍ hefur gefið út að samningur Ólafs Jóhannessonar landsliðsþjálfara verði ekki endurnýjaður. Bjarni segir nálægðina á Íslandi hafa slæm áhrif á umgjörð íslenska landsliðsins. „Ég hef horft upp á eina fjóra eða fimm Íslendinga hálshöggna út af lélegum árangri. Það er alltaf auðveldast að reka þjálfarann en ég tel að stærstum hluta þjálfarann ekki mesta vandamálið. Tengslin milli KSÍ og stóru félaganna hér á landi eru sterk og starfsfólkið í kringum landsliðið alltof tengt félögunum," segir Bjarni. Hann segir tengslin gera það að verkum að upp komi viðkvæm og óþægileg mál sem hafi klárlega áhrif á val á leikmönnum í landsliðið. Bjarni, sem var aðstoðarmaður Eyjólfs Sverrissonar á tíma hans með landsliðið, segist myndu taka við starfinu yrði leitað til hans. Hann er þó á þeirri skoðun að tímabært sé að leita út fyrir landsteinana. „Við eigum hiklaust, með fullri virðingu fyrir mér og öðrum kollegum mínum á Íslandi, að ráða erlendan þjálfara og hrista almennilega upp í þessu. Knattspyrnusambandið verður að taka gjörsamlega nýjan kúrs í umgjörð landsliðsins og allri hugmyndafræði frá a til ö." Bjarni segir KSÍ ekki geta borið fyrir sig peningaskort þegar kemur að ráðningu nýs þjálfara. „Mér er sama hvað það kostar. Ef menn telja sig ekki hafa efni á því þá búa þeir til nefnd sem nær í þessa peninga til þess að hafa ofan í sig og á. Það verður að lyfta grettistaki í málum landsliðsins."
Íslenski boltinn Mest lesið Féll næstum því í Harvard vegna höfuðverkjanna Fótbolti Leikdagur í Munchen: Gummi Ben og Kjartan hita upp fyrir stærsta leik ársins Fótbolti Dagur Dan kallaður inn í íslenska landsliðið Fótbolti Ólympíumeistarinn þarf að fara í kynjapróf til að fá að keppa Sport „Þetta er alvöru pakki og alvöru djobb“ Körfubolti Leiknir lætur þjálfarann fara Fótbolti Sjáðu frábæra afgreiðslu Sveindísar Jane Fótbolti Fyrrum forseti Inter látinn og liðið mun leika með sorgarbönd Fótbolti Dagskráin: Úrslitaleikur Meistaradeildarinnar á kvöldið Sport Tottenham lætur fimm fara og festir fyrstu kaup sumarsins Enski boltinn Fleiri fréttir Njarðvík og ÍR upp í efstu sætin í Lengjudeildinni Bindur vonir við nýja manninn: „Ekki með svona leikmann í liðinu í dag“ KR-ingar alveg týndir: „Bara eins og þegar ég er einn heima“ Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk „Ef menn leggja sig fram og standa sig vel þá er alltaf stutt í byrjunarliðið” „Það má ekki fagna of mikið“ Fyrrum leikmaður Liverpool að ganga í raðir Stjörnunnar Uppgjörið: Breiðablik - ÍA 1-4 | Skagamenn völtuðu yfir Blika „Fannst Víkingarnir ekki eiga skilið neitt út úr þessum leik“ „Unnum klárlega baráttuna í leiknum“ Uppgjörið: Afturelding - Valur 0-2 | Engin vandræði á Val í Mosfellsbæ Uppgjörið: Fram - KA 1-2 | Færeyingurinn hetjan í Úlfarsárdal Uppgjörið: ÍBV - FH 2-1 | Dramatískt sigurmark í Eyjum Uppgjörið: Vestri - Víkingur | Víkingur vann toppslaginn fyrir vestan Þeir bestu (1. sæti): Afrekaði allt KR kaupir ungan og efnilegan leikmann Njarðvíkur „Við sjáum okkur ekki sem körfuboltinn á móti fótboltanum“ Þeir bestu (2. sæti): Hæglæti en heljarinnar ferill Návígi með Gulla Jóns: Aukaefni úr A&B og meira til „Ég set spurningarmerki við þennan tímapunkt“ Damir þakkar fyrir sig eftir stutta dvöl í Asíu Þeir bestu (3. sæti): Sannkallaður Benjamin Button Bestu kaupin, nýyrði í boltanum og hver verður markakóngur? Þróttur geti klárlega landað titlinum: „Mér finnst þetta stórkostlegt lið“ Hreifst af Stíg: „Finnst þarna komið þetta Víkings-element“ Þeir bestu (4. sæti): Sigurvegarinn „Uppleggið hjá Rúnari fannst mér heppnast fullkomlega“ Sjáðu mörkin sem „Halli og Laddi“ skoruðu Sjá meira