Pepe búinn að framlengja við Real Madrid

Portúgalski miðvörðurinn Pepe er búinn að skrifa undir nýjan samning við Real Madrid og þar með binda enda á sögusagnir um framtíð sína.  Pepe hefur verið í viðræðum við Real um nýjan samning síðustu vikur og þær viðræður hafa loks borið árangurs.

Gamli samningurinn hans átti að renna út eftir ár en nú er hann samningsbundinn félaginu til ársins 2015.

Ekki vantaði áhuga annarra liða á miðverðinum en hermt var að Man. Utd, Chelsea og Arsenal hefðu öll áhuga á honum.

Pepe kom til Real frá Porto árið 2007 og er búinn að spila um 100 leiki fyrir félagið.