Tilkynnt um mótmæli við jarðarför Steve Jobs

Leiðtogi sértrúarsafnaðarins Westboro Baptist Church lýsti því yfir í dag að meðlimir safnaðarins muni mótmæla við jarðarför Steve Jobs, fyrrum forstjóra Apple.

Söfnuðurinn hefur mótmælt við jarðarfarir fallinna hermanna í Bandaríkjunum í gegnum tíðina. Þessi síðasta tilkynning safnaðarins hefur skiljanlega vakið hörð viðbrögð - enda er Westboro kirkjan ekki þekkt fyrir samúð sína á sorgartímum.

Yfirlýsingin birtist á Twitter samskiptasíðunni og það þótti heldur undarlegt að Margie. J. Phelps, leiðtogi safnaðarins, hefði sent skilaboðin úr Iphone síma.