Sigurður Bollason boðaður í skýrslutöku

Sigurður Bollason, fjárfestir, hefur verið boðaður í skýrslutöku hjá sérstökum saksóknara vegna rannsóknar embættisins á meintri markaðsmisnotkun Landsbanka Íslands.

Sigurjón Þ. Árnason, fyrrverandi bankastjóra Landsbankans, og Ívar Guðjónsson, fyrrverandi forstöðumaður í bankanum, voru úrskurðaðir í gæsluvarðhald fyrr í dag. Fimm aðrir fyrrverandi stjórnendur úr bankanum voru yfirheyrðir í gær. Þau eru: Elín Sigfúsdóttir, Steinþór Gunnarsson, Sindri Sveinsson, Yngvi Örn Kristinssson og Júlíus Steinar Hreiðarsson, en hann er nú starfsmaður dótturfélags nýja Landsbankans. Allir í hópnum hafa réttarstöðu sakborninga.

„Ég hef verið beðinn um að gefa skýrslu sem vitni sem ég geri fúslega," segir Sigurður í tilkynningu. Félag í hans eigu, Sigurður Bollason ehf., keypti hlut í Landsbankanum á sínum tíma. „Beið ég mikið fjárhagslegt tjón af þessum viðskiptum."

Sigurður segist ekki hafa stöðu sakbornings.