Lars Lagerbäck: Munurinn á Íslandi og Nígeríu er liturinn

Lars Lagerbäck, nýráðinn landsliðsþjálfari Íslands, var mættur í sjónvarpssal í gærkvöldi þar sem var sérfræðingur í útsendingu frá Meistaradeildinni.

Sænska sjónvarpsstöðin Viasat sýndi frá leik Napoli og Bayern München og þáttarstjórnandinn  Ola Wenström notaði tækifærið og spurði Lars um muninn á Íslandi og Nígeríu þar sem Lagerbäck þjálfaði síðast.

„Það er auðvitað liturinn þótt að ég sé í raun litblindur," svaraði Lagerbäck í léttum tón en það er óhætt að segja að þetta grín íslenska landsliðsþjálfarans sé á gráu svæði.