Hryðuverkamaður annast vörn sína sjálfur

Nígeríumaðurinn Umar Farouk Abdulmutallab bíður nú þess að réttað verði í máli hans en hann er sakaður um að hafa reynt að sprengja upp flugvél á Jóladag í fyrra.

Í dag hófst val á kviðdómi í málinu og stuttu áður en rétturinn tók til starfa lýsti Abdulmutallab yfir stuðningi við Al-Qaeda. Hann sagði síðan að herskáir múslimar myndu þurrka út Bandaríkin. Abdulmutallab lýsti síðan yfir sakleysi sínu.

Sækjendur í málinu segja Abdulmutallab hafa smyglað sprengju í nærfötum sínum og að hann hafi ætlað að sprengja hana stuttu áður en flugvélin átti að lenda í Detroit. 279 farþegar voru í vélinni.

Abdulmutallab annast vörn sína sjálfur. Dómarinn benti honum á að þegar kemur að réttarhöldunum sjálfum væri æskilegt fyrir Abdulmutallab að klæðast virðulegum fötum. Bón Abdulmutallab um að fá að klæðast Jemönsku belti ásamt rýtingu var neitað um hæl.