Fæddi barn í millilandaflugi

Frönsk kona eignaðist barn í flugvél sem var á leiðinni frá Mílanó á Ítalíu til Parísar í Frakklandi í gær samkvæmt fréttavefnum ansa.it.

Þar kemur fram að konan hafi fengið hríðir á miðri leið. Vélin lenti svo að lokum á Charles de Gaulle flugvellinum í París.

Læknateymi kom þá um borð í flugvélina og aðstoðaði konuna við að eignast barnið, sem reyndist vera strákur.

Farþegar flugvélarinnar fögnuðu ákaft að fæðingu lokinni og klöppuðu fyrir konu og barni, sem heilast vel.