Spánverjar í vandræðum á HM í Kólumbíu - lítið um óvænt úrslit

Landslið Spánverja skipað leikmönnum 20 ára og yngri er komið í átta-liða úrslit en með naumindum þó. Spánverjar höfðu sigur á Suður-Kóreu í bráðabana í vítaspyrnukeppni í gær eftir markalaust jafntefli. Allir leikirnir í 16-liða úrslitum fóru eftir bókinni.

Frammistaða Suður-Kóreu gegn Spánverjum í gær kom flestum í opna skjöldu. Spánverjar rúlluðu upp sínum riðli á meðan Suður-Kórea vann aðeins einn leik og komst áfram sem eitt fjögurra liða með bestan árangur í þriðja sæti síns riðils.

Vítaspyrnukeppni var dramatísk í meira lagi og þurfti hvor þjóð að spyrna níu sinnum áður en úrslitin réðust. Hægt er að horfa á vítaspyrnukeppnina í heild sinni í spilaranum hér að ofan.

Önnur úrslit

Nígería 1-0 England

Brasiía 3-0 Saudi Arabía

Frakkland 1-0 Ekvador

Argentína 2-1 Egyptaland

Portúgal 1-0 Guatemala

Mexíkó 1-1 Kamerún

-Mexíkó hafði sigur eftir vítaspyrnukeppni







Viðureignirnar í átta liða úrslitumLaugardagur 13. ágúst

Portúgal - Argentína

Mexíkó - Kólumbía

Sunnudagur 14. ágúst

Frakkland - Nígería

Brasilía - Spánn

Heimsmeistaramótið er í beinni útsendingu á Eurosport á Fjölvarpinu.

Heimsmeistaramót U20 ára landsliða fer fram annað hvert ár. 24 þjóðir öðlast þátttökurétt á mótinu. Efstu sex þjóðirnar á EM U19 ára landsliða árið á undan tryggja sér sæti á HM U20. Íslenska landsliðið lenti í þriðja sæti í sínum riðli í undankeppni EM U19 ára og komst ekki áfram í umspil um sæti í lokakeppni EM.