Tímabilið búið hjá Helga Má - töpuðu í oddaleik

Helgi Már Magnússon og félagar í Uppsala töpuðu 69-91 í oddaleiknum á móti Södertälje Kings í átta liða úrslitum sænsku úrvalsdeildarinnar í körfubolta í kvöld. Leikurinn fór fram á heimavelli Södertälje-liðins.

Helgi Már var með 5 stig, 8 fráköst og 2 stoðsendingar en hann spilaði í rúmar 35 mínútur í leiknum. Helgi Már fékk sína fimmtu villu tæpri mínútu fyrir leikslok.  Hann hitti ekki vel því aðeins 1 af 9 skotum hans rötuðu rétt leið.

Södertälje-liðið tók frumkvæðið í byrjun, var 46-41 yfir í hálfleik og var komið með ellefu stiga forskot fyrir lokaleikhlutann, 58-47.

Uppsala vann fyrsta leikinn í einvíginu en tapaði síðan tveimur leikjum í röð áður en liðinu tókst að tryggja sér oddaleik með 19 stiga sigri í fjórða leiklnum.