Símafundur með Icesave-nefndinni í kvöld

Formenn stjórnarflokkanna funduðu með annars vegar formanni Sjálfstæðisflokksins og hins vegar formanni Framsóknarflokksins og þingflokksformanni Hreyfingarinnar í dag.

Sigmundur Davíð Gunnlaugsson formaður Framsóknarflokksins reiknar með að leiðtogar flokkanna eigi símafund með samninganefnd Íslands í kvöld um stöðuna í viðræðunum við Breta og Hollendinga.

En jafnvel þótt drög að samningi lægju fyrir á morgun, ættu menn að vera hættir að ræða að seinka eða hætta við þjóðaratkvæðagreiðsluna.

Það sé einfaldlega of seint. Hins vegar megi ræða við Breta og Hollendinga um hvað taki við í viðræðum þjóðanna að þjóðaratkvæðagreiðslu lokinni.