Jackson-safn byggt í Gary

Safn sem verður tileinkað popparanum sáluga Michael Jackson verður byggt í fæðingarbæ hans Gary í Indiana-fylki á næsta ári. Bæjarstjórinn í Gary telur að safnið muni laða að sér um 750 þúsund gesti á hverju ári og tryggja bænum tugi milljarða í tekjur.

Jackson kíkti í heimsókn til bæjarins árið 2003 til að ræða byggingu safnsins. Undirbúningur fór þó ekki í gang af krafti fyrr en hann féll frá á síðasta ári. „Þetta er eitthvað sem fjölskyldan mín og Michael sjálfur vildu alltaf að yrði að veruleika. Við viljum gefa eitthvað til baka til bæjarins,“ sagði Joe, faðir Michaels.