Ballack aftur til Leverkusen

Michael Ballack er kominn aftur til Bayer Leverkusen þar sem hann gerði garðinn frægan áður en hann reri á stærri mið. Ballack skrifaði undir tveggja ára samning í morgun. Sky fréttastofan greinir frá þessu í dag en hann spilaði með Leverkusen frá 1999-2002 áður en hann fór til Bayern Munchen. "Hringnum er lokið," sagði Ballack við opinbera heimasíðu Leverkusen. "Ég átti frábæran tíma hérna og náði góðum árangri. Ég elskaði þennan tíma og það var stór þáttur í ákvörðun minni." Ballack var samningslaus hjá Chelsea og fór því frítt á uppeldisslóðir.