Lífið

Mikið stuð á Mömmu Gógó

Þau Friðrik Þór Friðriksson og Guðrún Edda Þórhannesdóttir eru fólkið á bak við Mömmu Gógó. Þau eru framleiðendur myndarinnar en Friðrik situr síðan auðvitað líka í leikstjórastólnum Fréttablaðið/Stefán
Þau Friðrik Þór Friðriksson og Guðrún Edda Þórhannesdóttir eru fólkið á bak við Mömmu Gógó. Þau eru framleiðendur myndarinnar en Friðrik situr síðan auðvitað líka í leikstjórastólnum Fréttablaðið/Stefán

Kvikmyndin Mamma Gógó eftir Friðrik Þór var frumsýnd í gær en blásið var til sérstakrar hátíðarsýningar í Háskólabíói þann 30. desember þar sem margt var um manninn.

Sex ár eru liðin síðan Friðrik Þór sendi frá sér leikna kvikmynd en hann leikstýrði síðast Sólskinsdrengnum sem nú fer sigurför um heiminn og mun væntanlega taka þátt í Óskarsforvalinu 2011. Myndin segir frá Gógó sem reynir að ná áttum eftir að hafa verið greind með Alzheimer-sjúkdóminn.

Kristbjörg Kjeld fer, að mati gagnrýnanda Fréttablaðsins, algjörlega á kostum í hlutverki Gógóar en gamlar klippur úr hinni sögulegu mynd Eriks Balling, 79 af stöðinni, eru notaðar þar sem þau Kristbjörg og Gunnar Eyjólfsson léku einmitt aðalhlutverkin eins og í mynd Friðriks. Leikstjórinn kallaði á gamla samstarfsmenn til að gera þessa mynd; bak við tökuvélina er Ari Kristinsson, um tónlistina sér Hilmar Örn Hilmarson og leikmyndina gerir Árni Páll Jóhannsson. - fgg

Þau voru heldur betur kát, þau Dóra Einars (í miðjunni), myndlistarkonan Annabelle (t.h) og kvikmyndagerðarmaðurinn Philip Clemo.
Leikstjórarnir Guðný Halldórsdóttir og Hrafn Gunnlaugsson voru meðal gesta í Háskólabíói en Hrafn tók son sinn með, hann Aron Daníel.


Feðgarnir Guðmundur Andri og Thor Vilhjálmsson voru að sjálfsögðu á frumsýningu Mömmu Gógó ásamt Þórgunni Önnu Örnólfsdóttur.
Systurnar Arnhildur Reynisdóttur og Elín Reynisdóttir létu sjá sig á hátíðarsýningunni.
Birkir Kristinsson og Ragnhildur Gísladóttir láta sig ekki vanta þegar íslenskir menningarviðburðir eru annars vegar.
Þeir voru tveir góðir saman, Jón Egill Bergþórsson og Ásgrímur Sverrisson, á frumsýningunni.
Björn Karlsson brunamálastjóri og Rebekka Ragnarsdóttir voru meðal gesta í Háskólabíói.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.