Sigmar til Eurovision-lands á morgun

Sigmar Guðmundsson verður kynnir Ríkissjónvarpsins þegar flautað verður til leiks í Eurovision í næstu viku. Sigmar heldur af landi brott á morgun og verður að treysta á hagstæða veðurspá svo hann komist í tæka tíð til Noregs. Lítið má útaf bregða enda þykir það nauðsynlegur upplýsingabrunnur fyrir þuli Eurovision að horfa á sem flestar æfingar keppenda. Sem fara einmitt fram á þeim tíma.

Og meira frá Ósló. Því eins og venjan er býður sendiherrann í Eurovisionlandi yfirleitt til veislu svo að keppendur geti kynnt sig og þjóð sína almennilega.

Sendiherra Íslands í Noregi er Sigríður Dúna Kristmundsdóttir og hún mun að sjálfsögðu opna sendiherrabústaðinn. Eftir því sem Fréttablaðið kemst næst verður sendiherraveislan þó í minna lagi og hafa fulltrúar Íslands tekið þá ákvörðun að í stað þess að bjóða öllum þá verði fáum en útvöldum leyft að koma. -fgg