Gróft barnaklám í tölvu Facebook nauðgara

Gróft barnaklám fannst í tölvu mannsins sem situr í gæsluvarðhaldi vegna gruns um kynferðisbrot gegn þremur ungum stúlkum sem hann tældi á Facebook. Hæstiréttur staðfesti gæsluvarðhaldið yfir manninum í dag.

Maðurinn heitir Ívar Anton Jóhansson og er 22 ára gamall. Hann hefur undanfarna mánuði notað Facebook til þess að komast í kynni við ungar stúlkur. Rökstuddur grunur er fyrir því að hann hafi brotið kynferðislega gegn þremur þeirra. Þær eru 13 ára 14 ára og 16 ára.

Í gögnum málsins og framburði stúlknanna er að finna sláandi lýsingar á grófum kynmökum og kynferðisathöfnum sem hann lét stúlkurnar framkvæma. Í tölvu Ívars fundust svo margar hreyfimyndir sem geyma barnaklám og sýna stúlkubörn beitt grófu kynferðislegu ofbeldi.

Lögreglan lítur málið mjög alvarlegum augum enda leið ekki nema vika frá því að Ívar var yfirheyrður vegna kynferðisbrots gegn stúlku undir lögaldri þar til hann var búinn að setja sig í samband við þá næstu á Facebook.