Innlent

Ekki talið að Landeyjahöfn muni skemmast

Þessi mynd var tekin af starfsmönnum Landhelgisgæslunnar um borð í eftirlits- og björgunarflugvélinni TF-SIF í 18. mars af höfninni sem nú rís í Bakkafjöru á Landeyjasandi.
Þessi mynd var tekin af starfsmönnum Landhelgisgæslunnar um borð í eftirlits- og björgunarflugvélinni TF-SIF í 18. mars af höfninni sem nú rís í Bakkafjöru á Landeyjasandi.
Að svo stöddu er ekki gert ráð fyrir teljandi skemmdum á mannvirkjum í og við Landeyjahöfn en til að svo yrði þyrftu að verða náttúrhamfarir á borð við Skeiðarárhlaup. „Hinsvegar er ljóst að lagerinn í Markarfljóti, um 50 þúsund rúmmetrar af efni, muni rýrna. Einnig má búast við að flóðvarnargarðarnir ofarlega í fljótinu geti skemmst," segir á heimasíðu Siglingastofnunar Íslands.

Líkt og áður hefur komið fram hefur vinna við Landeyjahöfn verið stöðvuð tímabundið og menn verið fluttir af svæðinu í öryggisskyni. Þar sem vinna liggur nú niðri við má búast við að lok þeirra tefjist sem því nemur.

Við þetta má bæta að í tengslum við hafnargerðina hefur Landgræðslan haft það verkefni að rækta upp gróðurlaus svæði og má ætla að það starf geti skaðast. Einnig hefur á vegum Siglingastofnunar, í samstarfi við bændur, farið fram á þessu svæði tilraunaræktun á repju til dísilolíuframleiðslu og hefur árangurinn lofað góðu. Sú ræktun er einnig í hættu af völdum flóðsins, að fram kemur á heimasíðu Siglingastofnunar.



Eldgos og jarðhræringar Gos á Fimmvörðuhálsi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið