Sjómaður á sjálfstýringu fær bætur

Hæstiréttur Íslands hnekkti úrskurði Héraðsdóms Reykjavíkur þar sem Sjúkratryggingar Íslands voru sýknaðar af bótakröfu sjómanns.

Bátur mannsins strandaði í Vækilvík skammt frá Skagaströnd í júlí 2007. Hann hafði verið við veiðar á Hofsstaðargrunni og hugðist sigla til Skagastrandar til að taka olíu áður en hann héldi út á meira dýpi.

Hann setti sjálfstýringu á og stefnuna á Spákonufellshöfða. Sjómaðurinn sofnaði á leiðinni og vaknaði þegar báturinn á 11 hnúta hraða skall á fjörugrjóti um klukkan sjö um morguninn. Hann hlaut áverka í hálsi og baki og tognun á vinstri úlnlið sem leiddi að hans sögn til þess að hann var óvinnufær í fjóra mánuði.

Sjúkratryggingar vildu meina að slysið hefði ekki borið óvænt að að og félli þá ekki undir lög um vátryggingarétt. Hæstaréttur féllst hinsvegar á með sjómanninum að líkamstjón hans hefði hlotist af skyndilegum utanaðkomandi atburði. Var úrskurði héraðs því hnekkt og sjómaðurinn á rétt á slysabótum.