Var ekki að sinna skyldustörfum

Ríkislögreglustjóri vék lögreglumanni úr starfi í október síðastliðnum eftir að ríkissaksóknari ákvað að höfða sakamál á hendur manninum sem rekið er fyrir Héraðsdómi Norðurlands eystra. Brotin áttu sér því stað á Norðurlandinu.

Í svörum frá yfirlögregluþjóni Ríkislögreglustjórans, Guðmunds Guðjónssonar, þá var lögreglumaðurinn ekki að sinna skyldustörfum þegar meint brot eiga að hafa átt sér stað.

DV.is greindi frá því í gær að lögreglumaðurinn hefði verið ákærður fyrir kynferðisbrot gegn fimmtán ára stúlku. Ekki er ljóst hvar eða hvenær atvikið á að hafa átt sér stað en réttarhöld í kynferðisbrotamálum eru lokuð almenningi.

Aðalmeðferð málsins er lokið samkvæmt DV og því má vænta dómsniðurstöðu á næstu vikum.