Favre lék hugsanlega sinn síðasta leik í nótt

Brett Favre var mættur aftur í byrjunarlið Minnesota Vikings í nótt er liðið tók á móti Chicago Bears. Hann byrjaði vel en leikurinn snérist fljótlega upp í martröð.

Minnesota skoraði snertimark í fyrstu sókn undir styrkri handleiðslu Favre. Í öðrum leikhluta fékk hann síðan harðan skell sem varð þess valdandi að hann fylgdist með leiknum af hliðarlínunni það sem eftir var.

Chicago valtaði þá yfir Minnesota og vann risasigur, 40-14. Chicago tryggði sér um leið sigur í Norðurriðli Þjóðardeildar.

"Ég vissi að þetta væri síðasti heimaleikurinn hjá mér. Ég veit það hljómar léttklikkað en ég vildi virkilega spila í brjálaðri snjókomu," sagði Favre en hann sagðist hafa fengið heilahristing. Þetta var því hugsanlega síðasti leikurinn á hans ferli.

"Ég veit ekki hvað ég geri í framhaldinu. Það er líklega ekki skynsamlegt að spila meira en miðað við þær ákvarðanir sem ég hef tekið áður á ferlinum myndi ég ekki veðja gegn því að ég spilaði annan leik.