Flúði fyrrverandi kærasta og stökk út um glugga á annarri hæð

Kassim Osgood, útherji NFL-liðsins Jacksonville Jaguars, komst heldur betur í hann krappann þegar sturlaður, fyrrverandi kærasti klappstýru, sem hann var með, ruddist inn á þau grár fyrir járnum.

Að sögn Osgood voru hann og hin 19 ára klappstýra að horfa á sjónvarpið í rólegheitum heima hjá henni þegar maðurinn ruddist inn en hann var með plastpoka fyrir andlitinu.

Allt varð síðan algjörlega vitlaust þegar árásarmaðurinn og klappstýran fóru að rífast. Hann beindi meðal annars byssu að höfði hennar, dró hana um herbergið á hárinu og sló þau bæði með byssunni.

Þegar þau drógu síðan bæði upp byssur og byrjuðu að skjóta á hvort annað brá Osgood á það ráð að stökkva út um glugga herbergisins sem var á annarri hæð.

Hann slapp með skrámur sem og kærastan. Árásarmaðurinn var handtekinn og er ekki á leið úr steininum á næstunni.