Flutningaskip strandað í Hafnarfjarðarhöfn

Flutningaskipið Óskar Halldórsson strandaði í Hafnarfjarðarhöfn fyrir stundu en svo virðist sem vélarbilun hafi orsakað óhappið. Að sögn Kristjáns Skaftasonar sem er hafnarvörður, þá festist skipið í leðju og svo virðist engar skemmdir hafi orðið á bátnum þrátt fyrir strandið.

Beðið verður eftir flóði til þess að draga skipið aftur á flot að sögn Kristjáns. Þangað munu þeir reyna að styðja við skipið.

Að sögn Kristjáns er ástandið nokkuð hættulaust og lítill viðbúnaður vegna strandsins.

„Þetta er eins ljúft og það getur orðið," segir Kristján um aðstæður en búist er við að Óskar verði dreginn á flot í kvöld. Skipið var á leiðinni til Grænlands þegar það strandaði.