Ríkið bregst við fíklamömmum

Barnaverndaryfirvöldum berst árlega fjöldi tilkynninga vegna mæðra sem þykja ógna lífi og heilsu ófæddra barna sinna með áfengis- og fíkniefnaneyslu.

Barnaverndarstofa hefur brugðist við þessu með því að setja á laggirnar heimili þar sem hægt er að vista verðandi mæður og hafa með þeim eftirlit gegn vilja þeirra.

Frá 2004 til ársins 2008 fjölgaði tilkynningum um verðandi mæðrum í fíkniefnaneyslu. Fjöldi þessara kvenna hefur verið nokkuð stöðugur undanfarin tvö ár og lætur nú nærri að upplýsingar berist vegna um þrjátíu kvenna ár ári.

Yfirvöld hafa reynt að bregðast við stöðunni en meðal annars hefur verið stofnuð sérstök móttaka fyrir verðandi mæður í fíkniefnaneyslu hjá Kvennadeild Landspítalans.

Þóra Steingrímsdóttir fæðingalæknir og yfirlæknir mæðraverndar í þróunarstofu heilsugæslunnar segir að mikil þörf hafi verið á sérútbúnu úrræði fyrir þungaðar konur í neyslu. Flestar þeirra láti af neysu á meðan á meðgöngu stendur en ekki allar og auk þess sem reynslan sýni að mikil hætta sé á að þær leiti aftur í neyslu eftir fæðingu.

Steinunn Bergmann sérfræðingur hjá Barnaverndarstofu segir að gripið til þess að svipta konur sjálfræði á meðan meðgöngu stendur. Hins vegar hafi vantað vantaði úrræði til að taka á móti þeim konum og sjá til þess að þær ógnuðu ekki lengur lífi ófædds barns síns.

Úr því hefur nú verið bætt þar sem samningur hefur tekist með Barnaverndarstofu og vistheimilisins að Hamarskoti en þar starfa hjón sem hafa áralanga reynslu að störfum tengdum barnavernd.