Skipinu fagnað með flugeldum

Fjölmenni var á bryggjunni í Vestmannaeyjum að morgni aðfangadags til að taka á móti Þórunni Sveinsdóttur VE-401, nýju togskipi útgerðarfélagsins Óss ehf., þegar hún sigldi inn í heimahöfn í fyrsta skipti.

Flugeldum var skotið upp til að fagna komu skipsins, auk þess sem þrjú önnur skip útgerðarfélagsins sigldu út á móti Þórunni og fylgdu henni að bryggju.

Skrokkur skipsins var smíðaður í Póllandi en lokafrágangur fór fram í Danmörku. Vélsmiðjan Þór lagði svo lokahönd á verkið með ísetningu vinnslukerfisins um borð. - bj