Eva Longoria bjó til eina ilmvatnið sem hún getur notað

Leikkonan Eva Longoria Parker úr Aðþrengdum eiginkonum hélt veislu nú í vikunni. Þar kynnti hún ilmvatnið Eva sem hún bjó til sjálf.

Eva er með ofnæmi í allar áttir og hefur alltaf átt í vandræðum með að vera með ilmvatn. „Alltaf þegar einhver er með ilmvatn nálægt mér byrja ég að hnerra eins og vitleysingur. Ég hef lengi öfundað fólk með ilmvatn. Þess vegna ákvað ég að búa til mitt eigið,“ sagði Eva í veislunni.

Hún valdi því efni sem fá hana ekki til að hnerra og úr varð ilmurinn Eva, sem hún segir ferskan. „Eins og maður sé nýkominn úr sturtu.“

Í veisluna, sem var haldin á veitingastað í Los Angeles, mættu Teri Hatcher og fleiri leikarar úr þáttaröðinni Aðþrengdar eiginkonur. Eiginmaður Evu, körfuboltastjarnan Tony Parker, var að keppa og komst ekki en sendi skilaboð til hennar sem voru sýnd á risaskjá í veislunni.