Mourinho: Mikið hungur í liðinu

José Mourinho, þjálfari Real Madrid, segir að það sé mikið hungur í liði sínu fyrir tímabilið.

"Það sem hefur slegið mig mest með þetta lið er hversu hungraðir leikmennirnir eru í árangur. Þeir vilja vinna. Ólikt því sem margir halda þá eru þessir strákar ekki í því að hafa það huggulegt bara af því þeir spila með Real Madrid," sagði sá sérstaki.

"Það er alveg þveröfugt. Þeir vilja vinna og bæta sinn leik. Það er gaman að vinna með slíku liði. Þetta er ekki fullkomið lið en það er gaman að vinna með því."

Mourinho sagði á blaðamannafundi að hann sæi eftir þeim Raul og Guti en sagðist vel skilja af hverju þeir hefðu farið frá félaginu.