Búnir að missa Baug

5. febrúar 2009 19:39

Jón Ásgeir Jóhannesson og Jóhannes Jónsson hafa misst Baug. „Ég held að það þurfi mjög mikið til að svo verði ekki," sagði Jóhannes sem var gestur Björns Inga í Markaðnum nú undir kvöld.

Baugur óskaði fyrr í vikunni eftir greiðslustöðvun og verður beiðni um hana afgreidd í Héraðsdómi Reykjavíkur á morgun. Ólíklegt er að fallist verði á beiðnina enda hafa bæði Glitnir og Landsbankinn lagst gegn henni. Skilanefnd Glitnis tilkynnti í gær að bankinn myndi taka yfir þá eignarhluti í Baugi sem Gamli Glitnir hafi að veði til tryggingar lánum sínum til félagsins. Skilanefnd Landsbankans tilkynnti síðan í kvöld að bankinn hefði gengið að veðum í BG Holding.

Jóhannes sagði í Markaðnum að hann væri sleginn yfir því sem gerst hafði. Hann teldi þó að þetta væri meira áfall fyrir son sinn en hann sjálfan.

Jóhannes sagði að mörg þau fyrirtæki sem Baugur hefði átt væru gullmolar og nefndi Iceland og House of Fraser sem dæmi. Hann sagðist vonast til þess að þessi fyrirtæki gætu orðið til þess að bjarga Íslendingum við að greiða niður skuldir sínar.

Tengdar fréttir

Baugur ætlar að halda í breskar eignir sínar

Baugur ætlar að halda í breskar eignir sínar þrátt fyrir að hafa sagt upp helmingi starfsmanna sinna á skrifstofunni í London samkvæmt frétt um málið í blaðinu Guardian í dag.

3. febrúar 2009 10:00

Jóhannes í Markaðnum

Jóhannes Jónsson i Bónus verður gestur Björns Inga Hrafnssonar í Markaðnum á Stöð 2 í kvöld. Þar mun Jóhannes svara því hvort Baugsævintýrið sé á enda nú þegar að félagið hefur óskað eftir greiðslustöðvun

5. febrúar 2009 17:26

Einnig farið fram á greiðslustöðvun Baugs í Englandi

Skilanefnd Landsbanka Íslands hf. lagði í gær fram beiðni um greiðslustöðvun BG Holding ehf. fyrir enskan dómstól. BG Holding ehf. er dótturfélag Baugs Group hf. og meginstarfsemi þess er tengd fjárfestingum Baugs Group hf. í Bretlandi. Meðal fjárfestinga BG Holding ehf. eru matvöruverslanirnar Iceland Foods, verslunarmiðstöðvar House of Fraser og leikfangaverslanir Hamleys.

4. febrúar 2009 10:29

Glitnir gjaldfellir öll lán Baugs

Skilanefnd Gamla Glitnis ákvað í dag að gjaldfella öll lán Baugs Group og tengdra félaga, segir í tilkynningu sem send var fjölmiðlum. Þar kemur fram að þetta hafi verið gert í framhaldi af ákvörðun skilanefndar Landsbanka Íslands hf. um að óska eftir greiðslustöðvun hjá BG Holding ehf.,

4. febrúar 2009 21:47

Baugur óskar eftir greiðslustöðvun

Baugur Group hf. og nokkur dótturfélög þess fóru fram á það við Héraðsdóm Reykjavíkur í morgun að félögunum yrði veitt heimild til greiðslustöðvunar.

4. febrúar 2009 09:35

Lárus segir að ekkert verði selt frá Baugi í Bretlandi

Lárus Finnbogason formaður skilanefndar Landsbankans segir að ekki standi til að selja neinar af verslunum eða eigum Baugs í Bretlandi meðan á greiðslustöðvun félagsins stendur og hún gæti staðið árum saman.

4. febrúar 2009 13:19

Alveg gáttaður á ummælum Jóns Ásgeirs um aðkomu Davíðs

"Ég er eiginlega alveg gáttaður á þessum orðum Jóns Ásgeirs enda eru þau fjarstæða," segir Lárus Finnbogasonm formaður skilanefndar Landsbankans um þau ummæli Jóns Ásgeirs Jóhannessonar um að greiðslustöðvun Baugs sé runnin undan rifjum Davíðs Oddssonar seðlabankastjóra.

4. febrúar 2009 14:30

Héraðsdómur tekur ósk Baugs fyrir á morgun

Héraðsdómur Reykjavíkur mun á morgun taka fyrir ósk Baugs Group og nokkurra dótturfélaga þess að þeim verði veitt heimild til greiðslustöðvunar.

5. febrúar 2009 12:43

Baugur og Straumur leita að kaupanda að Magasin du Nord

Carsten Fensholt fjármálastjóri Magasin du Nord í Kaupmannahöfn segir að greiðslustöðvun Baugs hafi ekki bein áhrif á rekstur verslunarinnar. Hinsvegar leiti Baugur í samvinnu við Straum nú ákaft að kaupenda að versluninni.

4. febrúar 2009 10:49

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.