Hamburg í þriðja sætið

Hamburg náði aftur þriðja sætinu í þýsku úrvalsdeildinni í knattspyrnu í dag þegar liðið vann 2-1 sigur á Hannover með tveimur mörkum frá Króatanum Mladen Petric.

Hamburg hefur 54 stig í þriðja sætinu þegar sex umferðir eru eftir líkt og Bayern Munchen sem lagði Bielefeld 1-0 í gær. Wolfsburg lagði Leverkusen 2-1 og hélt þriggja stiga forskoti á toppnum.

Hertha Berlin vann dramatískan 2-1 sigur á Werder Bremen í dag og heldur enn í veika von um fyrsta titilinn síðan á millistríðsárunum.

Per Mertesacker kom Bremen ifir í leiknum rétt fyrir hlé og var liðið óheppið að bæta ekki við mörkum, en Josip Simunic (71.) og Raffael (87.) tryggðu Hertha sigurinn fyrir framan 68,000 áhorfendur á Ólympíuleikvangnum.

Sigurinn þýddi að Hertha er í fjórða sæti deildarinnar með 52 stig.