Góðgerða-fótboltaleikur flautaður af í New York

Það verður ekkert af því að nokkrar af stærstu knattspyrnustjörnum heimsins spili góðgerðaleik á Giants-vellinum í New York í næsta mánuði. Það hefur verið hætt við leikinn þar sem illa hefur gengið að fá kostunaraðila á leikinn.

Leikurinn átti að fara fram 14. júní og átti að safna pening fyrir "Schools for Hope Foundation of Mikael Silvestre" en Silvestre er franskur varnarmaður sem spilar með Arsenal.

Meðal leikmanna í leiknum áttu að vera Ronaldo, Ryan Giggs, Thierry Henry, Nicolas Anelka, Didier Drogba, Emmanuel Adebayor, Bacary Sagna, Claude Makelele, Gael Clichy og Patrick Viera.

Á heimasíðu leiksins er núverandi efnahagsástandi kennt um hvernig fór og þar harma menn að missa tækifæri á að halda einn af flottustu fótboltaleikjunum í sögu bandarísk fótbolta.