Nani hefur ekki áhyggjur af brottför Ronaldo

Portúgalinn Nani, leikmaður Man. Utd og góðvinur Cristiano Ronaldo, hefur engar stórar áhyggjur af Man. Utd þó svo Ronaldo hverfi á braut.

„Það verður hægt að fylla skarð Cristianos. Við munum sakna hans en United hefur leikmenn til að leysa hans stöðu," sagði Nani.

Þeir félagar hafa alla tíð verið nánir en báðir komu þeir til United frá Sporting Lisbon.

Eyddu þeir miklum tíma saman í Manchester og voru duglegir við að lyfta sér upp við litla hrifningu stjórans, Alex Ferguson.