Hefur ekki áhyggjur af afskriftum LÍN lána

„Þetta er náttúrulega ákveðið fagnaðarefni," segir Ingólfur Birgir Sigurgeirsson, lánasjóðsfulltrú Stúdentaráðs, um afnám ábyrgðarkerfis Lánsjóðs íslenskra námsmanna.

„Eins og ástandið er í dag hafa sumir lent í því að enginn geti skrifað upp á lánið," segir Ingólfur og bætir við að lántakar hafi þá ekki átt annarra kosta völ en að útvega bankaábyrgð á láninu. Það sé hins vegar afar dýrt fyrir námsmennina.

„Ef þú ert traustur lántaki áttu nú að geta tekið lán án þess að skuldsetja vini eða fjölskyldu."

Fjármálaráðuneytið telur líkur á að kostnaður LÍN vegna afskrifta lána gæti aukist eftir að ábyrgðarkerfinu var breytt.

„Ég hef ekki trú á því að það verði mikið. Það standa langflestir í skilum," segir Ingólfur aðspurður um þessar áhyggjur.