Van Gaal tekur við Bayern

Svo virðist sem að Louis van Gaal muni taka við knattspyrnustjórn Bayern München nú í sumar. Jürgen Klinsmann var sagt upp störfum í síðasta mánuði.

Van Gaal gerði AZ Alkmaar að hollenskum meisturum nú í vor og hefur verið orðaður við Bayern undanfarnar vikur. Forráðamenn AZ hafa neitað þessum fregnum en svo virðist sem að félögin hafi nú náð samkomulagi. Van Gaal var samningsbundinn AZ til loka tímabilsins 2010.

Uli Höness, framkvæmdarstjóri Bayern, sagði í samtali við þýska fjölmiðla að tilkynnt yrði um ráðninguna á allra næstu dögum.