Enska landsliðið og Rooney jöfnuðu met í kvöld

Bæði enska landsliðið og Wayne Rooney jöfnuðu met er England vann 6-0 sigur á Androrra í kvöld.

England hefur nú unnið níu leiki í röð í undankeppnum heimsmeistaramóta en í núverandi undankeppni hefur liðið alla sjö leiki sína. Síðasta tapaði England í slíkum leik árið 2005 er það tapaði fyrir Norður-Írlandi, 1-0.

Enska landsliðið vann síðast níu leiki í röð í undankeppni HM frá árunum 1949 til 1957. Það á þó enn nokkuð langt í land með að jafna Evrópumet Vestur-Þjóðverja sem unnu sextán leiki í röð í undankeppni HM frá 1969 til 1985.

Wayne Rooney skoraði tvö marka Englands í kvöld og hefur hann þar með skorað átta mörk í leikjum liðsins í riðlinum. Þar með jafnaði met Tommy Taylor sem skoraði átta mörk fyrir England í undankeppni HM 1958. David Platt kemur næstur með sjö mörk fyrir HM 1994.