Skotlandshópurinn tilkynntur

Ólafur Jóhannesson landsliðsþjállfari hefur valið leikmannahópinn sem mætir Skotlandi á Hampden Park á miðvikudaginn í næstu viku. Leikurinn er liður í undankeppni HM 2010.

Bæði Skotland og Ísland eru með fjögur stig í riðlinum en Skotar eiga leik til góða gegn Hollendingum ytra á sunnudaginn.

Ef yfirburðir Hollands í riðlinum halda áfram má gera ráð fyrir því að Skotland og Ísland verði enn jöfn að stigum þegar þau mætast í Glasgow á miðvikudagskvöldið í næstu viku. Leikurinn er því afar þýðingamikill upp á baráttuna um annað sæti riðilsins.

Alls eru níu riðlar í undankeppni HM 2010. Sigurvegarar riðlanna níu fara beint áfram í keppnina en þau átta lið sem ná bestum árangri í öðru sæti síns riðils fara í umspil um fjögur laus sæti til viðbótar.

Stefán Gíslason er ekki valinn í hópinn þar sem hann er í leikbanni. Þá hlýtur Jóhannes Karl Guðjónsson enn ekki náð fyrir augum landsliðsþjálfarans.

Markverðir:

Árni Gautur Arason

Gunnleifur Gunnleifsson

Varnarmenn:

Hermann Hreiðarsson

Indriði Sigurðsson

Kristján Örn Sigurðsson

Grétar Rafn Steinsson

Sölvi Geir Ottesen

Bjarni Ólafur Eiríksson

Ragnar Sigurðsson

Miðvallarleikmenn:

Brynjar Björn Gunnarsson

Emil Hallfreðsson

Birkir Már Sævarsson

Aron Einar Gunnarsson

Pálmi Rafn Pálmason

Helgi Valur Daníelsson

Theodór Elmar Bjarnason

Jóhann Berg Guðmundsson

Eggert Gunnþór Jónsson

Framherjar:

Eiður Smári Guðjohnsen

Heiðar Helguson

Veigar Páll Gunnarsson

Arnór Smárason