Ekkert ferðaveður á norðanverðum Vestfjörðum

Lögreglan á Vestfjörðum segir ekkert ferðaveður vera á norðanverðum Vestfjörðum sem stendur og beinir Lögreglan á Ísafirði þeim tilmælum til íbúa að vera ekki á ferðinni að nauðsynjalausu.

„Þungfært er orðið milli þéttbýliskjarna á norðanverðum Vestfjörðum og mjög hált. Lítilháttar snjóflóð féll úr Eyrarhlíð um kl 19:00 i kvöld (milli Ísafjarðar og Hnífsdals)," segir í tilkynningu frá lögreglunni.

Vegagerðin sé að skafa veginn frá Ísafirði til Bolungarvíkur en að því loknu muni Vegagerðin hætta þjónustu þangað til í fyrramálið og megi búast við að vegirnir lokist.