Maradona var of stuttur fyrir Gemmu

Breska leikkonan Gemma Atkinson hefur gefið það upp að knattspyrnugoðsögnin Diego Maradona sé frægasti karlmaðurinn sem hún hafi hafnað.

Gemma er líka undirfatamódel og þykir ein huggulegasta stúlkan í bransanum. Hún hefur átt vingott við knattspyrnumenn á borð við Darren Bent, Alan Smith og Cristiano Ronaldo.

Hún hitti Maradona og bað hann um áritun þegar leiðir þeirra lágu saman á góðgerðaleik í fótbolta.

"Hann var vingjarnlegur og sagði mér að ég væri með falleg augu. Ég þakkaði honum fyrir, en hann er mjög lágvaxinn - hann er pínulítill," sagði Gemma í samtali við Sun.