Noregur vann Skotland - Ísland komið á botn 9. riðils

Norðmenn létu Skota finna fyrir illilega fyrir því á Ullevaal-leikvanginum í Ósló gærkvöld þegar þeir unnu 4-0 en gestirnir misstu Gary Caldwell útaf með rautt spjald á 33. mínútu í stöðunni 0-0.

Sigur Norðmanna þýðir að Íslendingar eru nú komnir í botnsæti 9. riðils.

Það var ekki lengi að bíða þess að Norðmenn nýttu sér liðsmuninn eftir að Caldwell fór útaf þar sem John Arne Riise skoraði strax með skoti úr aukaspyrnu.

Morten Gamst Pedersen bætti svo við tveimur mörkum og Erik Huseklepp skoraði eitt mark áður en yfir lauk og úrslitin mikil vonbrigði fyrir Skota sem voru að vonast til þess að koma sér í ákjósanlega stöðu til þess að komast upp úr riðlinum ásamt Hollendingum.

Landsliðsþjálfarinn George Burnley hjá Skotum er þó sannfærðum um að lið sitt geti náð markmiðum sínum.

„Þessi leikur var óneitanlega mikil vonbrigði fyrir okkur og það má segja að allt sem gat farið úrskeiðis hafi farið úrskeiðis hjá okkur. Þetta er samt enn í okkar höndum því við eigum tvo heimaleiki eftir og ef við vinnum þá munum við enda í öðru sætinu í riðlinum og komumst í umspilið," segir Burnley.

Úrslit úr öðrum leikjum kvöldsins í undankeppni HM 2010:

3. riðill:

Slóvenía-San Marínó 5-0

4. riðill:

Aserbaijan-Þýskaland 0-2

0-1 Bastian Schweinsteiger (12.), 0-2 Miroslav Klose (54.).

6. riðill:

Hvíta-Rússland - Króatía 1-3

0-1 Ivica Olic (27.), 0-2 Eduardo da Silva (69.), 1-2 Dmitry Verkhovtsov (81.), 1-3 Ivica Olic (83.).

7. riðill:

Færeyjar-Frakkland 0-1

0-1 Andre-Pierre Gignac (42.).