Tvenna Defoe bjargaði Englendingum

Varamaðurinn Jermain Defoe sá til þess að Englendingar náði 2-2 jafntefli gegn Hollendingum í vináttulandsleik í Amsterdam í kvöld en staðan var 2-0 í hálfleik fyrir Hollendingum.

Dirk Kuyt skoraði fyrsta mark leiksins á 10. mínútu eftir herfileg varnarmistök hjá Rio Ferdinand.

Englendingar voru eitthvað utan við sig í fyrri hálfleik og Gareth Barry átti skelfilega sendingu í lappirnar á Arjen Robben sem þakkaði fyrir sig og átti fast skot að marki sem Robert Green náði ekki að halda og eftirleikurinn var auðveldur fyrir Rafael van der Vaart og hann skoraði úr frákastinu.

Staðan var sem segir 2-0 í hálfleik en varamaðurinn Defoe var ekki lengi að láta til sín taka því hann minnkaði muninn á 49. mínútu með góðu skoti í stöngina og inn.

Defoe jafnaði svo leikinn á 77. mínútu og þar við sat.

Úrslit úr öðrum vináttulandsleikum í kvöld eru eftirfarandi:

Rússland-Argentína 2-3

1-0 I. Semshov (18.), 1-1 S. Aguero (45.), 1-2 L. Lopez (46.), 1-3 J. Dátolo (59.), 2-3 R. Pavlyuchenko (79.).

Tékkland-Belgía 3-1

0-1 J. Vertonghen (12.), 1-1 R. Hubnik (27.), 2-1 M. Baros (41.), 3-1 M. Kadlec (78.).

Eistland-Brasilía 0-1

0-1 L. Fabiano (45.).

Búlgaría-Lettland 1-0

Ungverjaland-Rúmenía 0-1

Svíþjóð-Finnland 1-0

1-0 J. Elmander (42.).

Úkraína-Tyrkland 0-3

0-1 T. Sanli (58.), 0-2 S. Cetin (63.), 0-3 H. Altintop (66.).

Túnis-Fílabeinsströndin 0-0

Danmörk-Chile 1-2

0-1 E. Paredes (61.), 1-1 L. Schöne (63.), 1-2 A. Sanchez (69.).

Írland-Ástralía 0-3

0-1 T. Cahill (38.), 0-2 T. Cahill (44.), 0-3 D. Carney (90.).

Liechtenstein-Portúgal 0-3

0-1 H. Almeida (16.), 0-2 R. Meireles (24.), 0-3 H. Almeida (28.).

Svartfjallaland-Wales 2-1

1-0 Jovetic (32.), 2-0 R. Djalovic (45.), 2-1 S. Vokes (51.).

Pólland-Grikkland 2-0

Makedónía-Spánn 2-3

1-0, 2-0 G. Pandev (8., 33.), 2-1 F. Torres (51.), 2-2 G. Pique (54.), 2-3 A. Riera (56.).