Ólafur hefur notað 45 leikmenn

Þó svo að Ólafur Jóhannesson hafi aðeins verið í rúmt hálft ár í starfi landsliðsþjálfara hefur hann notað 45 leikmenn í þeim sjö leikjum sem hann hefur stýrt til þessa.

Ólafur tók við landsliðinu af Eyjólfi Sverrissyni í október síðastliðnum en hann fyrsti leikur sem landsliðsþjálfari var gegn Dönum í lokaumferð undankeppni EM 2008.

Síðan þá hefur hann stýrt liðinu í sex vináttu- og æfingaleikjum. Alls hefur hann valið fimm landsliðshópa og samtals 48 leikmenn. Aðeins þrír þeirra fengu ekki tækifæri hjá Ólafi sem þýðir að hann notaði alls 45 leikmenn í leikjunum sjö.

Ólafur og Pétur Pétursson, aðstoðarþjálfari hans, hafa sagt að þeir vilji vera með sem flesta leikmenn á sínum snærum sem geta komið inn í landsliðshópinn fyrirvaralítið en engu að síður vitað hvaða hlutverki þeir eigi að gegna.

Pétur sagði eftir leikinn gegn Wales í gær að leikurinn hafi verið mjög gagnlegur til þess. Leikmenn hafi sinnt sínum hlutverkum vel, líka þeir sem komu inn með stuttum fyrirvara en fjórir varnarmenn forfölluðust síðustu dagana fyrir leikinn.

Vináttulandsleikirnir í vetur og vor hafa flestir ekki verið á alþjóðlegum landsleikjadegi og hafa því margir atvinnumanna Íslands í knattspyrnu ekki getað tekið þátt. Ólafur hefur því verið iðinn við að velja leikmenn sem leika með íslensku liðum í þessa leiki.

Tveir leikmenn hafa komið við sögu í sex leikjum af þeim sjö sem Ólafur hefur stýrt. Það er Valsarinn Atli Sveinn Þórarinsson og Gunnar Heiðar Þorvaldsson, leikmaður Vålerenga í Noregi.

Valsararnir og varnarmennirnir Atli Sveinn og Birkir Már Sævarsson hafa oftast verið í byrjunarliðinu, fimm talsins. Atli á flestar mínútur að baki eða 474 talsins.

Enginn einn leikmaður hefur verið valinn í alla fimm landsliðshópa Ólafs.

Til samanburðar má nefna að Eyjólfur Sverrisson var landsliðsþjálfari í tvö ár. Hann valdi níu landsliðshópa og stýrði liðinu í fjórtán leikjum. Í þeim leikjum notaði hann 37 leikmenn.

Flestar mínútur hjá Ólafi:

1. Atli Sveinn Þórarinsson 474 mínútur

2. Birkir Már Sævarsson 450

3. Stefán Gíslason 377

4. Gunnar Heiðar Þorvaldsson 357

5. Aron Einar Gunnarsson 337

6. Kjartan Sturluson 315

6. Ragnar Sigurðsson 315

8. Bjarni Ólafur Eiríksson 279

9. Bjarni Guðjónsson 278

10. Tryggvi Guðmundsson 261

Oftast í landsliðshópnum (4 sinnum):

Aron Einar Gunnarsson

Atli Sveinn Þórarinsson

Emil Hallfreðsson

Gunnar Heiðar Þorvaldsson

Jónas Guðni Sævarsson

Kjartan Sturluson

Theodór Elmar Bjarnason

Oftast í byrjunarliðinu:

1. Atli Sveinn Þórarinsson 5 sinnum

1. Birkir Már Sævarsson 5

3. Aron Einar Gunnarsson 4

3. Gunnar Heiðar Þorvaldsson 4

3. Kjartan Sturluson 4

3. Ragnar Sigurðsson 4

3. Stefán Gíslason 4

8. Bjarni Guðjónsson 3

8. Bjarni Ólafur Eiríksson 3

8. Emil Hallfreðsson 3

8. Kristján Örn Sigurðsson 3

8. Theodór Elmar Bjarnason 3

8. Tryggvi Guðmundsson 3

Arnar Þór Viðarsson (1 sinni í hópnum)

Ármann Smári Björnsson (1 sinni í hópnum)

Daði Lárusson (1 sinni í hópnum)