Murray í úrslit í Madrid - Nadal tapaði óvænt

Skoski tennisleikarinn Andy Murray tryggði sér í dag sæti í úrslitaleiknum á meistaramótinu í Madrid þegar hann lagði Roger Federer 3-6, 6-3 og 7-5 í undanúrslitum. Hann hefndi þar með fyrir tapið gegn Svisslendingnum í úrslitaleik opna bandaríska meistaramótsins.

Murray mun mæta Frakkanum Gilles Simon í úrslitaleiknum eftir að hann vann mjög óvæntan sigur á Spánverjanum Rafael Nadal í dag 3-6 7-5 7-6 (8-6). Nadal er í efsta sæti heimslistans en Frakkinn í því 16.