Eiginmaður Amy tók of stóran skammt í fangelsinu

Blake Fielder Civil, eiginmaður söngdívunnar Amy Winehouse, var nær dauða en lífi um helgina eftir að hann tók of stóran skammt af heróíni. Civil, sem situr í fangelsi grunaður um að hindra framgang réttvísinnar, fannst liggjandi á gólfi klefans síns og var umsvifalaust fluttur á sjúkrahús.

Amy gafst loksins upp og fór í meðferð á dögunum, og hefur Civil ítrekað lýst því yfir að undanförnu að hann sé steinhættur í eiturlyfjum. Einhvern veginn hefur honum þó tekist að falla á þremur lyfjaprófum undanfarna daga.

Þá hefur Sun dagblaðið það eftir samföngum hans að hann hafi stundað það að skipta á árituðum myndum af Amy fyrir heróín í fangelsinu.