Fór í mál við lögguna og vann

Tónlistarmaðurinn Árni Vilhjálmsson úr FM Belfast gerði sér lítið fyrir í dag og vann dómsmál sem hann höfðaði gegn lögreglustjóranum á höfuðborgarsvæðinu. Málið höfðaði Árni til að fá ákvörðun lögreglustjórans um að setja hann í akstursbann hnekkt.

Árni höfðaði ekki aðeins mál heldur flutti hann það einn og óstuddur þrátt fyrir að hafa ekki setið einn einasta tíma í lögfræði. Það kom ekki að sök því Þorgerður Erlendsdóttir samþykkti kröfu Árna þegar hún felldi dóm í málinu í dag.

Það skal reyndar tekið fram að Árni naut stuðnings nokkra löglærðra félaga sinna við kröfugerðina og undirbúning aðalmeðferðar. Á meðal þeirr sem aðstoðuðu Árna má nefna kollega hans úr tónlistinni, Berg Ebba Benediktsson söngvara Sprengjuhallarinnar, sem starfar sem lögfræðingur hjá útflutningsráði.

En það var engu að síður Árni sjálfur sem steig í pontu og reifaði kröfur sínar fyrir dómara og tókst á við löglærðan fullrúa lögreglustjórans um efnisatriði málsins í dómssal.

Krafa Árna snérist um akstursbann sem hann var settur í fyrir að hafa ekið yfir á rauðu ljósi. Árni var aðeins með bráðarbirgðarskirteini þegar hann framdi umferðarlagabrotið og hefði samkvæmt reglum sem gilda um slík skirteini þurft að fara aftur í ökuskóla og taka verklegt próf að nýju. Árni tókst hins vegar að benda á verulega galla í framkvæmd lögreglu í málinu. Til að mynda hversu lengi það tók að kynna honum afleiðingar brotsins og afturkalla ökuréttindi hans.

Að mati dómara var sá dráttur "óhæfilegur" og úrskurðaði hann því að akstursbann Árni skildi fella úr gildi.