Vince Vaughn elskar Witherspoon

Vince Vaughn segir í samtali við Parade tímaritið að samskipti hans og leikkonunnar Reese Witherspoon séu í fínu lagi. Þau fara með aðalhlutverk í myndinni Four Christmases sem verið að að taka upp þessi dægrin. „Ég dýrka hana. Hún er ekki einungis frábær leikkona heldur einnig mjög fyndin. Við höfum skemmt okkur mjög vel saman," segir hann.

Fullyrt var í síðasta mánuði að samstarf þeirra Witherspoon og Vaughn við tökur á myndinni gengu illa. Fullyrt var að tökum seinkaði ítrekað vegna endurtekinna rifrilda leikaranna um framkomu Vince Vaughn.

Vaugn bætir við að búast hefði mátt við Gróusögum um að þau Witherspoon væru að slá sér upp saman. „Blaðinu var hins vegar snúið við og fullyrt að eitthvað ósætti væri á milli okkar. En okkur kemur mjög vel saman," segir Vaughn.