Ungfrú Ísland 2008: Getur verið á háum hælum með kærastanum

„Ég hef það bara mjög gott. Þetta er bara spennandi," svarar Alexandra Helga Ívarsdóttir, 18 ára, sem var valin Ungfrú Ísland 2008 síðasta föstudag þegar Vísir spyr hvernig henni líður með nýja titilinn og hvað er framundan.

„Það á eftir að koma betur í ljós en ég er að fara í langþráð frí á föstudaginn til Flórída með kærastanum mínum og fjölskyldunni hans. Við verðum þar í þrjár vikur."

Má ég spyrja hvað þú ert há?

„Ég er 180 sentímetrar."

Hefur hæð þín einhverntíman háð þér?

„Nei, eiginlega ekki. Ég er bara mjög stolt af hæðinni."

En hvað er kærastinn þinn hár?

„Hann er 198 sentímetrar á hæð. Ég get verið á háum hælum með honum," segir Alexandra hress í bragði þrátt fyrir óvenjulegar spurningar.