Zlatan og Mellberg fengu frí

Lars Lagerbäck, landsliðsþjálfari Svíþjóðar, ákvað að gefa þeim Zlatan Ibrahimovic og Olof Mellberg frí er Svíar mæta Hollendingum í vináttulandsleik á miðvikudaginn.

„Báðir óskuðu eftir því að fá frí og við ákváðum að verða við því," sagði Lagerbäck og Roland Andersson, aðstoðarþjálfari hans, í sameiginlegri yfirlýsingu. „Zlatan hefur verið að spila tvo leiki á viku í langan tíma og Olof vill fá frí eftir stranga leikjaáætlun og löng ferðalög að undanförnu."

Zlatan er á mála hjá Inter og Mellberg hjá Juventus en bæði félög eru á Ítalíu.