Alspora hvolpur borinn

Aðdáendur íslenska hundsins og hundaræktendur eru í skýjunum þessa dagana því tík af íslensku kyni á Stokkseyri gaut nýlega hvolpi sem er alspora eins og það er kallað.

Þetta þýðir að hvolpurinn er með tvær klær aftan á hvorum framfæti en það er gamalt einkenni íslenska hundsins. Hundar eru yfirleitt með aðeins eina eða enga slíka kló á framfótunum. Alspora hvolpur er mjög sjaldgæft fyrirbrigði og er síðast vitað um slíkan á Þorvaldsstöðum í Jökuldal fyrir um 100 árum síðan.