Guðrún Sóley meiddist

Guðrún Sóley Gunnarsdóttir landsliðsmaður í knattspyrnu meiddist í æfingaleik með landsliðinu á föstudagskvöldið.

Landsliðið mætti Íslandsmeisturum Vals í æfingaleik og varð Guðrún fyrir því að liðbönd í ökkla tognuðu.

Að sögn Sigurðar Ragnar Eyjólfssonar landsliðsþjálfara ætti hún ekki að vera lengur frá en í 7-10 daga og ætti hún því að geta náð umspilsleikjunum gegn Írum í lok mánaðarins.

Sigurður Ragnar sagði í samtali við Vísi að aðrir leikmenn í landsliðinu ættu að vera heilar heilsu. Valur fer senn utan til að keppa í Evrópukeppni félagsliða og vonast Sigurður að þær snúi allar heilar heim aftur.