Bandaríkjamaður grunaður um njósnir fyrir Ísraela

Bandarísk lögregluyfirvöld hafa handtekið þarlendan verkfræðing vegna gruns um að hann hafi afhent Ísraelum leynillegar upplýsingar um kjarnavopn, orrustuþotur og eldflaugar á árunum í kringum 1980. Frá þessu greindi dómsmálaráðuneyti Bandaríkjanna í dag.

Maðurinn, Ben Ami-Kadish, starfaði að hergangnaframleiðslu í New Jersey og hann er grunaður um að hafa átt samskipti við sama fulltrúa Ísraela og annar Bandaríkjamaður sem situr nú í lífstíðarfangelsi fyrir að njósna fyrir Ísraela.

Samkvæmt málsgöngum njósnaði Kadish fyrir Ísraela á árunum 1979 til 1985 en hann átti í samskiptum við ísraelskan fulltrúa þar til í mars í ár.