Meg Ryan misheppnuð í ástarmálum

Leikkonan Meg Ryan, sem þekkt er fyrir að fara með hlutverk í rómantískum gamanmyndum eins og When Harry met Sally og You´ve got Mail, heldur því fram að ekki er mögulegt fyrir konu eins og hana að verða ástfangin samhliða tímafreku leikarastarfinu.

Meg, sem er 46 ára gömul, var gift leikaranum Dennis Quaid í 10 ár en skildi við hann árið 2000 þegar hún varð ástfangin af meðleikara sínum Russell Crowe við tökur á kvikmyndinni Proof of Life.

„Það var mjög erfitt fyrir mig að vera metnaðarfull í starfi og rækta ástarsambandið á sama tíma því ég náði engan veginn að sameina ástina og starfið," segir Meg í viðtali við tímaritið Hello.