Innlent

Kona sem sökuð var um kynferðislega áreitni fær 800 þúsund í bætur

Hæstiréttur dæmdi í dag Landspítalann til að greiða hjúkrunarfræðingi á geðsviði 800 þúsund krónur í bætur vegna ákvörðunar sem stjórnendur spítalans tóku um að flytja hjúkrunarfræðinginn á milli deilda.



Hjúkrunarfræðingurinn, kona sem starfaði á geðsviði Landspítalans við Hringbraut, fór heim úr samkvæmi í fylgd karlmanns sem vann á sömu deild. Gleðskapurinn var haldinn á heimili deildastjóra í loks septembermánaðar 2006 . Fáeinum dögum seinna sakaði karlmaðurinn konuna um að hafa beitt sig kynferðislegri áreitni heima hjá henni. Konan var aldrei ákærð fyrir kynferðislega áreitni og hún hefur neitað ásökunum mannsins staðfastlega.



Maðurinn kvartaði undan þessari áreitni við deildarstjóra og kvaðst ekki geta unnið með henni framar. Því var sú ákvörðun tekin að konan skyldi færð á aðra deild. Konan taldi þá ákvörðun ærumeiðandi fyrir sig og vildi ekki una niðurstöðunni. Hún stefndi því spítalanum.



Héraðsdómur komst svo að þeirri niðurstöðu að ákvörðun spítalans um að flytja konuna á milli deilda skyldi felld úr gildi og konunni dæmdar 500 þúsund krónur í miskabætur. Hæstiréttur staðfesti svo dóm héraðsdóms en hækkaði bæturnar í 800 þúsund krónur.











Tengd skjöl



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.