Sjö leikmenn í Landsbankadeild dæmdir í bann

Aga- og úrskurðarnefnd KSÍ fundaði nú síðdegis. Sjö leikmenn úr Landsbankadeildinni fengu leikbann, þar á meðal Stefán Þórðarson hjá ÍA sem var að fá sitt annað rauða spjald á tímabilinu og var því dæmdur í tveggja leikja bann.

Davíð Þór Viðarsson hjá FH, Kristján Valdimarsson hjá Fylki, Atli Sveinn Þórarinsson og þeir Marinko Skaricic, Zoran Stamenic og Scott Ramsey hjá Grindavík fengu allir eins leiks bann vegna rauðra spjalda. Þá fékk Milan Stefán Jankovic, þjálfari Grindavíkur, og Ingvar Guðjónsson, framkvæmdastjóri félagsins, báðir eins leiks bann.